Saturday, September 4, 2010

வட மொழி எழுத்துக்கள் தமிழுக்கு தேவையா.

     ஜ,ஷ், ஸ் போன்ற வட மொழி  எழுத்துக்கள் தமிழில் கலந்து புழக்கத்தில் உள்ளன.பிற மொழிச் சொற்களை சரியாக மொழிய இவை தேவை என்ற கோதாவில் இவை தமிழுக்குள்  இறக்கப்பட்டன. இந்த எழுத்துக்களை பயன்படுத்தியே வட மொழிச்சொற்கள் தமிழில் கலந்தன.ஒரு சிறிய தன்னல கும்பல் வட மொழிக் கலப்பை  திட்டமிட்டு செய்ததற்க்கான அரசியல் சமூக,காரணங்களை தனியொரு பதிவில் ஆராயலாம்.
 பிற மொழிச் சொற்களை அந்த மொழிக்காரர்கள் மொழிவது போலவே நாமும் சொல்வது  அவசியமா.நமது தமிழ் சொற்களை பிற மொழியினர்  அப்படித்தான் மொழிகிறார்களா. இல்லையே.தமிழர்கள் என்ற சொல்லை 'டமில்ஸ்' என்றுதானே ஆங்கிலேயர்கள் சொல்கிறார்கள்.அதில் தவறேதுமில்லை.அவரவர் மொழியின் இயல்புக்கு ஏற்பவே அவரவர் உரையாடும் தன்மை இருக்கும்.அந்த வகையில் பிற மொழிச் சொற்களை தமிழ் எழுத்துக்களை கொண்டே வழங்கலாம்.கஷ்மீர் என்பதை கசுமீர் என்றும் குஜராத் என்பதை குசராத் என்றும் அழைக்கலாம்,எழுதலாம்.ஒன்றும் குடி முழுகி போய் விடாது.
ஒரு சிறப்பான எடுத்துக்காட்டின் மூலம் இதை மேலும் வலியுறுத்தலாம்.அரபு மொழியில் 'ட்' என்ற எழுத்து கிடையாது.அதனால் அந்த எழுத்துக்கான ஒலி அரபு மக்களுக்கு எளிதில் சொல்ல வராது.அதன் காரணமாக உலகம் முழுவதற்கும் அவர்கள் ஏற்றுமதி செய்யும் 'பெட்ரோலியத்தை'  பெத்ரோலியம் என்றுதான் அவர்கள் சொல்கிறார்கள்.அதனால் அவர்தம் என்னை வணிகம் ஒன்றும் கெட்டுப்போய் விடவில்லை.
எனவே பிற மொழிச்சொற்களை தமிழ் எழுத்துக்கள் கொண்டே அழைப்போம்.அதன் காரணமாக யாருக்கும் எந்த தீங்கும் நேர்ந்து விடாது என்றும் மண்ணுலகம் இரண்டாக பிளந்து விடாது என்றும் இதன் மூலம் உறுதி அளிக்கிறோம்.அப்படியே உலகம் இரண்டாக பிளந்து பட்டு விட்டால் வடிவேலுவை கொண்டு சங்கர் சிமிட்டியை பயன்படுத்தி மீண்டும் ஒட்ட வைத்து நல்ல முறையில் பூசித்தருகிறோம்.

2 comments:

  1. Dear sir
    The english language takes every year many words from other languages and the Oxford Dictionary selects and includes them in the new edition. In the same way we can also enrich with the alphabet which was not available in our language. In addition to the above letters from Sanscrit, we can also include " F " from English.

    ReplyDelete
  2. Dear Vasan.
    We appreciate your enthusiasm in enriching Tamil. But,as you mentioned english language takes many 'words' from other languages not 'alphabets'. why should we?.Those Sanskrit letters are used to pronounce words of other languages not to coin new words.If need arises new words can be coined using tamil letters.If needed technical words of other languages especially english can be used as they are.

    ReplyDelete