Monday, November 18, 2013

ஒழியட்டும் சச்சின் மாயை.தெளியட்டும் கிரிக்கெட் கிறுக்கு.



மேட்டுக்குடி மற்றும் ஆளும் கும்பலால் திட்டமிட்டு திணிக்கப்பட்டு இந்திய மக்களை பீடித்திருக்கும் நோயும்  அடிமைத்தனத்தின் சின்னமுமான  மட்டைப் பந்து விளையாட்டிலிருந்து சச்சின் டெண்டுல்கர் முழுமையாக ஓய்வு பெற்று விட்டாராம்.நாடே கண்ணீர் மல்க அழுது தவித்து அவருக்கு பிரியா விடை கொடுப்பது போலவும் அவர் மிக சிறந்த நாட்டுப் பற்றாளர் போலவும் ஒரு மாயத் தோற்றத்தை ஊடகங்கள் கட்டி எழுப்புகின்றன. ஏற்கனவே அவரை  ஒரு மாபெரும் விளையாட்டு வீரராக அவர் திறமையை விட கூடுதலான படிமத்தில் மக்களின் மூளையில் ஏற்றி வைத்திருக்கும் இந்த ஊடகங்களுக்கு பெரு வணிக தொழில் நிறுவனங்களின் ஏவலாள் ஆன சச்சினை வைத்து கதறி கண்ணீர் விடுவது நல்லதொரு வணிக மேம்பாட்டு செயலாக இருக்கிறது.

இந்திய தலைமை அமைச்சர் அலுவலகம் உடனடியாக அவருக்கு பாரத ரத்னா விருது வழங்கப்படும் என அறிவித்து கௌரவிக்கிறது.காசு கொழுப்பெடுத்த மேட்டுக்குடி ஊதாரிகள் சச்சினுக்கு பிரியா விடை கொடுக்கவும் அவர் இறுதியாக விளையாடுவதை நேரில் காணவும் மும்பைக்கு வானூர்தியில் பறப்பது நாளிதழ்களில் முதல் பக்க செய்தியாகிறது.

மட்டைப்பந்து வீரர்கள் புகழ் பெற்றவர்களாக திகழ காரணம் அவர்களது விளையாட்டு திறமை மட்டுமல்ல.அவர்களை வைத்து மக்களிடம் அவர்கள் பெற்றுள்ள அறிமுகத்தை வைத்து பெரு வணிக தொழில் நிறுவனங்கள் மக்களை ஏமாற்றி தங்கள் உற்பத்தி பொருட்களை அவர்கள் தலையில் கட்ட ஊடகங்களை வைத்து திட்டமிட்டு உருவாக்குவதுதான் இந்த பெரும் புகழ்.

தாங்கள் விளையாடுவதன் மூலம் பெற்ற புகழை பொய்யும் புரட்டும் சொல்லி வணிக பொருட்களை விற்க பயன்படுத்துவது குறித்து இந்த நேர்மையாளர்கள் கொஞ்சமும் வெட்கப்படுவதில்லை.ஒரு துறையில் பெற்ற புகழை வேறொரு துறையில் ஆதாய நோக்கில் முதலீடு செய்வதே ஒரு மோசடி.அதிலும் மக்களை கொள்ளையிட துணை போவது கேடு கெட்ட மோசடி.இந்த வகையில்  சச்சினின் மோசடியான ஒரு விளம்பர படத்தை எடுத்துக்காட்டாக பார்க்கலாம்.

''Boost is the secret of my energy'' என்று கடந்த இருபது ஆண்டுகளாக தொலைக்காட்சிகளில் கூவுகிறார் சச்சின்.அவரது உடல் திறனுக்கு அந்த சத்து பானம்தான் காரணமா என்று பார்த்தால் நிச்சயம் இல்லை என்றே விடை கிடைக்கும். காசுக்கு பஞ்சமில்லாத மேட்டுக்குடி வாழ்க்கையில் அவர் உண்ணும் உயர் ரக சத்தான உணவுகளும் இலட்சங்களில் கட்டணம் வாங்கும் மருத்துவர்களின் கவனிப்பும்,இடையறாத உடற் பயிற்சியுமே அதற்கு காரணம் என்பதை அவரும் அறிவார்,நாமும் அறிவோம்.ஆனாலும் பூசுட் குடிப்பதே அவரது ஆற்றலுக்கான கமுக்கம் என சிறுவர்கள்,அப்பாவி பெற்றோர்கள் மனதில் ஆழப் பதிய வைத்து மக்களை ஏய்த்து கொள்ளையிடுகிறது கிளாக்சோ நிறுவனம்.கோடிகளில் கட்டணம் வாங்கிக் கொண்டு இந்த மோசடிக்கு துணை போகிறார் சச்சின்.கடைசியில் அந்த கோடிகளும் மக்கள் தலையில்தான் விடியும். இன்னொரு விளம்பரம்.அதில் வேறொரு மட்டைப்பந்து வீரர் [பெயர் தெரியவில்லை,இந்த கண்றாவி விளையாட்டு  மீது ஆர்வம் இன்றி இருப்பதால் பெரும்பாலானவர்கள் பெயர் தெரிவதில்லை] தோன்றி விக்சு உறிஞ்சுகுழலை [Vicks inhaler] ஒரு முறை உறிஞ்சுகிறார்.அவரை பீடித்திருந்த தடுமன் [ஜலதோஷம்]  பஞ்சாய் பறந்து விடுகிறது.என்ன ஒரு  மோசடி.தடுமன் நோய் மருந்து  எடுத்துக்  கொண்டாலும் எடுத்துக் கொள்ளாவிட்டாலும்  ஓரிரு நாட்கள் இருந்துதான் போகும். விக்சு உறிஞ்சுகுழலை ஒரு மணி நேரம் வைத்து நாகசுரம் வாசித்தாலும் போகாது.

இயல்பிலேயே இந்த மட்டைப்பந்து விளையாட்டு பரந்து பட்ட மக்களுக்கு எதிரானது.இந்தியாவில் இந்த விளையாட்டின் தோற்றத்தையும் வளர்ச்சியையும் சற்றே சுருக்கமாக பார்த்து விடலாம்.

 இங்கிலாந்தில் தோன்றிய மட்டைபந்து விளையாட்டை பிரித்தானிய ''துரைமார்கள்'' குடியேற்ற நாடுகளிலும் விளையாடி பிரபலப்படுத்தினர். வெள்ளை நாய்களுக்கு நாட்டை காட்டி கொடுத்து கூட்டி கொடுத்த இந்திய மன்னர்கள் என்ற பெயரில் வாழ்ந்த இழிபிறவிகள் அவர்களோடு சேர்ந்து இந்த மட்டைப்பந்தை விளையாடி வந்தனர்.பகல் பொழுதில் வெள்ளையனின் ஊரை அடித்து உலையில் போடும் திட்டங்களுக்கு ஒத்தூதி விட்டு மாலை நேரத்தில் அவர்களுடன் சேர்ந்து விளையாடியும் குடித்து கும்மாளமிட்டும் பொழுதை கழித்த இந்த இழிபிறவிகள் தூக்கி பிடித்த விளையாட்டுதான் இந்த மட்டைப்பந்து விளையாட்டு. இவர்களோடு சேர்ந்து அன்றைய ஆட்சி இயந்திரத்தில் பங்கு வகித்த பார்ப்பன மேல்சாதியினரும் இந்த விளையாட்டை தூக்கி பிடித்து வந்தனர்.



ஆக வெள்ளை ஏகாதிபத்தியத்தின் அடிமைகளும் அடிமைத்தனத்தை நேசிப்பவர்களும் மட்டுமே மட்டைபந்தை விரும்பி விளையாடலாம். மான உணர்ச்சி கொண்டோர் விரும்ப முடியாது.

மட்டைப்பந்து கண்டுபிடிக்கப்பட்ட இங்கிலாந்து ஒரு குளிர் நாடு. ஆண்டின் ஆகப்பெரும்பான்மையான நாட்களில் சூரியனின் கதிர்கள் சாய்வாக விழும் வகையில் உலக உருண்டையின் ஓரத்தில் அமைந்த நாடு.குளிர் மிகுந்த அந்நாட்டில் வெயில் என்பதே அபூர்வமானது.இதமானது.அங்கு நீண்ட நேரம் வெயிலில் காய்வது உடலுக்கு நன்மை பயப்பதாக இருக்கிறது.ஆகவே அந்த நாட்டில் நாள்முழுவதும் வெயிலில் நின்று விளையாடும் மட்டைப்பந்து அவர்களுக்கு பொருத்தமான விளையாட்டு.அப்படியிருந்தும் அந்நாட்டில் பெரும்பாலான மக்கள் விரும்பி விளையாடுவதும் ரசிப்பதும் கால்பந்து விளையாட்டைத்தான்.அங்கும் கூட மட்டைப்பந்து மேட்டுக்குடி சோம்பேறிகளின் விளையாட்டாகவே இருக்கிறது.கால்பந்தே உழைக்கும் மக்களின் விளையாட்டாக இருக்கிறது.

இந்திய துணைக்கண்டத்தில் நிலவும் தட்ப வெப்ப சூழ்நிலைகளுக்கு சற்றும் பொருத்தமில்லாத விளையாட்டு மட்டைப்பந்து.நில நடுக்கோட்டிற்கு அருகில் அமைந்துள்ளதால் ஆண்டின் பெரும்பாலான  நாட்களில் சூரியனின் கதிர்கள் செங்குத்தாக விழும் வெப்பமண்டல பகுதி இது.இங்கு வெயில் என்பதே சுட்டெரிப்பது.கொடுமையானது.இந்த நாடுகளில் நாள் முழுவதும் வெயிலில் நின்று விளையாடுவது என்பது உடலுக்கு தீங்கிழைப்பதாகவே இருக்குமேயன்றி நலன் பயப்பதாக இருக்காது.இங்கு இதமான மாலை வெயிலில் ஓரிரு மணிநேரம் கால்பந்து,கூடைப்பந்து,கபடி போன்ற விளையாட்டுகளை விளையாடுவதே உடல்நலனுக்கு நன்மை சேர்ப்பதாக இருக்கும்.

இப்படிப்பட்ட மட்டைப்பந்து விளையாட்டை பெரும்பான்மையான மக்களின் மூளையில் திணிப்பதில் மேட்டுக்குடி கும்பல் பெரும் வெற்றி அடைந்திருக்கிறது.தொழில் நுட்ப வளர்ச்சியால் கடந்த மூன்று  பத்தாண்டுகளில் தொலைக்காட்சிகளும் நேரடி ஒளி பரப்புகளும் பல்கி பெருகியதால் இதனை எளிதாக சாதித்து விட்டார்கள். மட்டைப்பந்து மீதான மோகத்தை வளர்ப்பதற்கு அவர்களுக்கு ஒரு  தேவகுமாரன் தேவைப்பட்டான்.அந்த இடத்தை கடந்த கால்  நூற்றாண்டு காலமாக நிரப்பியவர்தான் சச்சின். 

நம் இளைஞர்களிடம்  சமூக அக்கறையும் சமூக பிரச்னைகளுக்கு போராடும் குணமும் வளர விடாமல் தடுப்பதில் திரைப்படங்களும் மட்டைப்பந்தும் சம பங்காற்றுகின்றன.இந்த தீமைகள் மேலும் மக்களை சீரழிக்காமல் இருக்க சச்சினின் ஓய்வு ஓரளவுக்கு உதவும் என்பதால் அவரது ஓய்வை வரவேற்போம்.


 மட்டைப்பந்து விளையாட்டை அது தோன்றிய நாட்டிலேயே இப்படி காரி உமிழ்ந்தான் அறிஞன் பெர்னாட் சா.

''பதினோரு முட்டாள்கள் மற்றொரு பதினோரு முட்டாள்களுடன் விளையாடுவதை பதினோராயிரம் முட்டாள்கள் பார்த்து ரசிக்கிறார்கள்''

நாமும் காரி உமிழ்வோம்.

ஒழியட்டும் சச்சின் மாயை.தெளியட்டும் கிரிக்கெட் கிறுக்கு.

Thursday, February 21, 2013

அசைவம் உண்போர் மிருக உணர்வாளர்களாம்.அவதூறு பரப்புகிறது தினமணி.

கடந்த பிப்ரவரி 19 ஆம் நாள் பாலியல் வன்முறை குறித்து தினமணி நாளிதழ் தலையங்கம் தீட்டியுள்ளது.பாலியல் வன்முறைகளுக்கு பல்வேறு காரணங்களை அடுக்கியுள்ள தினமணி அசைவ உணவு பழக்கமும் அவற்றில் ஒன்று என ஆதாரம் ஏதுமின்றி அளந்து விடுகிறது.

பார்க்க;http://dinamani.com/editorial/article1469920.ece

அதில் தினமணி என்ன சொல்கிறது.

\\மூலைக்கு மூலை திறக்கப்பட்டிருக்கும் மதுபானக் கடைகளும்; தெருவெங்கும் அசைவ உணவைப் பரிமாறும் துரித உணவகங்களும், கையேந்தி பவன்களும், அதிகரித்து விட்டிருக்கும் அசைவ உணவுப் பழக்கமும் உணர்ச்சிகளை அதிகரித்து, சாத்வீக குணத்தை மழுங்கடித்து விடுகின்றன என்கிற உண்மையை நாம் எப்போது உணரப் போகிறோம்? அவை மனிதனுக்குள் ஒளிந்து கொண்டிருக்கும் மிருக உணர்வுகளைத் தூண்டிவிடும் என்பது விஞ்ஞானம் ஏற்றுக்கொண்டிருக்கும் உண்மை.//

அசைவ உணவு மிருக உணர்வுகளை தூண்டிவிடும் என்றும் அது அறிவியல்பூர்வமாக நிரூபிக்கப்பட்ட உண்மை என்றும்,அதனால்தான் பாலியல் வன்முறைகள் நிகழ்வதாகவும் ஆதாரம் ஆய்வு எதையும் காட்டாமல் அடித்து விடுகிறது.கேடு கெட்ட குடிப்பழக்கத்தையும் அசைவ உணவு உண்பதையும் சமமாக காட்டி அசைவ உணவு உண்பவர்களை இழிவு படுத்துகிறது. ஏழை உழைக்கும் மக்கள் மீதான சாதீய,வர்க்க வெறுப்பு மேலோங்க கையேந்தி பவன்களை குறிப்பிட்டு இழிவு படுத்துகிறது.

என்ன ஒரு திமிர்,ஆணவம்.இந்த நாட்டின் 90 விழுக்காட்டிற்கும் மேலான ஆகப் பெரும்பான்மையான மக்கள் அசைவம் உண்பவர்கள்.அவர்களை இதை விட கேவலமாக அவமதிக்க முடியுமா.ஊடக வலு கையில் இருப்பதால் எதை வேண்டுமானாலும் எழுதலாம்.நம்மை யாரும் கேள்வி கேட்க முடியாது என்ற ஆணவம் தலை விரித்தாட பெரும்பான்மையான மக்களுக்கு எதிராக நஞ்சு கக்கியுள்ளது தினமணி.

பாலுணர்வு இயற்கையானது.பாலியல் தேவை இயல்பானது.ஆரோக்கியமான ஒரு மனிதன் சத்தான உணவு உட்கொள்ளும் பட்சத்தில் பாலியல் தேவை இயற்கையாகவே உண்டாகி விடும்.அது சைவ உணவாக இருந்தாலும் சரி அசைவ உணவாக  இருந்தாலும் சரி.இதை புரிந்து கொள்ள பெரிய ஆராய்ச்சி எல்லாம் செய்ய வேண்டியதில்லை.சைவ உணவு மட்டுமே அருந்தும் சாதியினர் குழந்தை பெற்றுக்கொள்வதில்லையா என்று கேள்வி எழுப்பி எண்ணிப் பார்த்தாலே போதும்.

மானமும் அறிவும் மனிதருக்கு அழகு என்றார் பெரியார்.அந்த வகையில் தமிழினம் பார்ப்பனிய நஞ்சு கக்கும் தினமணி உள்ளிட்ட ஏடுகளை முற்று முழுதாக புறக்கணிக்க வேண்டும்.

தினமணிக்கு சில கேள்விகள்.

பற்கள் கொட்டிப் போய் தள்ளாத வயதை அடைந்திருந்த,விட்டால் இன்னும் சிறிது காலத்தில் தானாகவே செத்துப் போயிருக்க கூடிய  காந்தியாரை சுட்டுக் கொன்ற கோட்சே என்ற பார்ப்பனன் சைவ உணவு உண்பவனாக இருந்தும் அவனுக்கு எப்படி அந்த மிருக உணர்வு வந்தது.

கொலைப்பழி முசுலிம்கள் மீது விழ வேண்டும்.அதை வைத்து நாடெங்கும் முசுலிம்களை வேட்டையாடி கொன்றொழிக்க வேண்டும் என்ற கபட நோக்கத்தில் காந்தியாரை கொல்லப் போகுமுன் தன கையில் இசுமாயில் என பச்சை குத்திக் கொண்டான் கோட்சே.இந்த கேடு கெட்ட வஞ்சக எண்ணம் அவன் மனதில் தோன்ற காரணம் அவனது சைவ உணவு பழக்கமே என்று சொல்லலாமா.

சைவ உணவு பழக்கம் கொண்ட காஞ்சி சங்கராச்சாரியார் சங்கரராமனை கொலை செய்யும் அளவுக்கு மிருக உணர்வு கொண்டது எப்படி.

 சைவ உணவு பழக்கம் கொண்ட காஞ்சி சங்கராச்சாரியார் எழுத்தாளர் அனுராதா ரமணனை படுக்கைக்கு கூப்பிட்டது மிருக உணர்வு இல்லையா.

 சைவ உணவு பழக்கம் கொண்ட பார்ப்பன குடும்பத்தில் பிறந்த தேவநாதன் கருவறைக்கு உள்ளேயே ''கசமுசா'' பண்ணியபோது அவனிடம் வெளிப்பட்டது தெய்வீக உணர்வா,மிருக உணர்வா.

தள்ளாத வயதிலும் அடுக்கடுக்கான பாலியல் குற்றங்களில் ஈடுபட்ட  என்.டி.திவாரி என்ற சைவ உணவு பழக்கம் கொண்ட சரயுபரீன் பார்ப்பனர்  மிருக உணர்வு கொண்டது எப்படி.

RSS இயக்கம் சாத்வீகமானது என்று இந்த நாட்டில் வளரும் குழந்தை கூட சொல்லாது.அந்த இயக்கத்தை தலைமை தாங்கி நடத்தும் சித்பவன் பார்ப்பனர்கள் சைவ உணவு உண்பவர்கள்தானே.ஆனாலும் அவர்கள் கொலைவெறி கொண்டது எப்படி.


Tuesday, January 29, 2013

விசுவரூபம்.கலையல்ல,களையப்பட வேண்டிய நச்சுக் களை.

விசுவரூபம் திரைப்படம் வெளிவரும் முன்னரே அதற்கு எதிர்ப்புகள் எழுந்தன.படத்தை பார்க்கும் முன்பே அது குறித்து தீர்ப்பளிக்க நீங்கள் யார் என அதிமேதாவிகள் துள்ளிக் குதித்தனர்.திரைப்படப் பெயர் அரபு மொழி வடிவத்தில் எழுதப்பட்டிருந்ததும் விளம்பரமாக வெளியிடப்பட்ட முன்னோட்ட படமும் [Trailor ] படம் குறித்து ஓரளவுக்கு முன்னறிவிப்பு செய்திருந்தன.அதனிலும் மேலாக கமல் என்ற பார்ப்பன பாசிச வெறி பிடித்த ''கொலைஞன்'' இடமிருந்து மக்கள் நலனுக்கான கருத்துக்களை எடுத்துச் சொல்லும்  படத்தையா எதிர்பார்க்க முடியும்.

கமல் காசனை ''பார்ப்பன பாசிச வெறியன்'' என நாம் சொல்வது ஏதோ போகிற போக்கில் ஆத்திரத்தில் அள்ளி வீசும் அவதூறு அல்ல.அவரது சொல்,செயல்களின் அடிப்படையிலேயே நாம் அவ்வாறு வரையறுக்கிறோம்.

உன்னைப்போல் ஒருவன் திரைப்படத்தின் இறுதிக்காட்சியில் கமல் மிகவும் உருக்கமான குரலில் பேசுவார்.

''நாம் எல்லோருமே வயது வந்தவர்கள்.இவர்கள் கர்ப்பிணி பெண்ணின் பிறப்புறுப்பு வழியே கைவிட்டு குழந்தையை வெளியே எடுத்து வெட்டிக் கொன்று தீயில் தூக்கி வீசினார்கள்.இவர்களை கொல்ல கூடாது என்று சொல்கிறீர்களா'' 

நண்பர்களே,மறந்திருக்க மாட்டீர்கள்.இந்த நிகழ்வு எங்கே, எப்போது நடந்தது.குசராத் கலவரத்தில் பார்ப்பனிய இந்து மத வெறி பயங்கரவாதிகள் நடத்திய பச்சை படுகொலைகளில் ஒன்றுதானே  இது.அப்படியானால் கமல் யாரை தூக்கி இருக்க வேண்டும்.நாங்கள்தான் முசுலிம்களை கொன்றோம்,அவர்கள் வீட்டு பெண்களை வல்லுறவு கொண்டு சிதைத்தோம் என தெகல்கா செய்தியாளர்களிடம் பெருமையாக சொன்னார்களே அந்த இந்து மத வெறியர்களை அல்லவா தூக்கி இருக்க வேண்டும்.அந்த வெறி நாய்களை ஏவி விட்ட மோடி கும்பலை அல்லவா தூக்கி இருக்க வேண்டும்.முசுலிம் மக்கள் மீது நிகழ்த்தப்பட்ட அநீதியை ''முசுலிம் தீவிரவாதி''கள் நடத்தியதாக சொல்வது மோசடி இல்லையா.

அந்த பேச்சை கேட்கும் காவல்துறை கட்டுப்பாட்டு அறையே மயான அமைதியில் மூழ்கிப் போகும்.அந்த அறையில் அமர்ந்து கமலின் இணைய வழி கைப்பேசி பேச்சை கண்காணித்து பின் தொடரும் கணினி வல்லுநரான இளைஞன் அந்த சமயத்தில் கமல் எந்த இடத்திலிருந்து பேசுகிறார் என்பதை கண்டு பிடித்திருப்பான்.ஆனால் அந்த பேச்சை கேட்ட பின் கமலை காட்டிக் கொடுக்க மறுத்து விடுவான்.போலி மோதல்கள் நடத்தி அப்பாவி முசுலிம்களை கொன்றொழிக்கும் கயமையை ஆதரிக்கும் மடமையை சமூகத்தின் மீது திணிக்கும் பாசிச போக்கு இல்லையா இது.

இப்போது விசுவரூபம் திரைப்படத்தை எதிர்ப்பவர்கள் கலாசார தீவிரவாதிகள் என்றும் நாட்டுப் பற்று இல்லாதவர்கள் என்றும் நஞ்சு கக்குகிறது இந்த ஆரிய பாம்பு. 

அடி செருப்பால, சமூகத்தின் ஒரு பிரிவு மக்களை இழிவு படுத்தி அவர்கள் மீது பகைமையை விதைக்கும் இவரது நயவஞ்சகத்தை தோலுரித்து காட்டினால் அது நாட்டுக்கே எதிரானதா,இந்த நாடு என்ன கமல் குத்தகைக்கு எடுத்திருக்கும் திரைப்பட கொட்டகையா.இப்படிப்பட்ட பாசிச போக்கில் சிந்திக்கும் இவரது மூளைதான் கலாசார தீவிரவாதத்தின் பிறப்பிடம்.கலை என்ற பெயரில் மக்களிடையே கொலைவெறியை தூண்டும் இவர்தான் கலாசார தீவிரவாதி.

அதனால்தான் சொல்கிறோம் கமல காசன் ஒரு அப்பட்டமான ''பார்ப்பன பாசிச வெறியன்''. 

இப்போது விசுவரூபம் திரைப்படத்துக்கு வருவோம்.

அந்த திரைப்படத்தை இதுவரை பார்க்கவில்லை.பார்த்தவர்கள் எழுதியதையும்  பேசியதையும் வைத்தே அது எப்பேர்ப்பட்ட மோசடியான படைப்பு என புரிந்து கொள்ள முடிகிறது.

கமல் பார்ப்பனன் வேடமிட்ட முசுலிமாக நடித்துள்ளார்.தீவிரவாதியாம். அமெரிக்காவின் ஆப்கான் ஆக்கிரமிப்பு பற்றிய படம் என்றாலும் அதில் அமெரிக்காவின் உலக மேலாதிக்க அரசியல் குறித்தும்,அது எப்படி அமெரிக்க பெரு முதலாளிகளின் நலனுக்கானது எனபது குறித்தும், அமெரிக்கா நடத்தும் போர்கள் எண்ணெய் திருடுவதற்கானது எனபது குறித்தும் ஒரு வரி கூட உரையாடல் இருக்காது என்பதை படத்தை பார்க்காமலே திண்ணமாக கூற முடியும்.''பூலோக சொர்க்கம்'' என்று அமெரிக்காவை கொண்டாடும் அம்பிகளின் அண்ணன், மேற்குலக ஏகாதிபத்தியங்களின் அடிமையான பார்ப்பனியத்தின் பிரதிநிதி கமல் அப்படியெல்லாம் காட்சி அமைப்பாரா என்ன.

படத்தில் வரும் தலிபான் தலைவர் தமிழில் பேசுவதை கண்டு ஆச்சரியப்படும் கமலிடம் தலிபான் தலைவர் தான் ஓராண்டு காலம் கோவையிலும் மதுரையிலும் சுற்றித் திரிந்ததாக சொல்கிறார்.பூனைக் குட்டி வெளியே வருகிறது பாருங்கள்.தலிபான்கள் கோவைக்கும் மதுரைக்கும் இன்ப சுற்றுலாவுக்கா வந்திருப்பார்கள்.அப்படியானால் கமல் என்ன சொல்ல வருகிறார். ஆப்கான் தீவிரவாதிகள் தமிழக முசுலிம்களுடன் தொடர்புகள் ஏற்படுத்திக் கொண்டுள்ளார்கள் என்பதுதானே. இப்படியான அவதூறு கருத்தை மக்கள் மனதில் விதைப்பதை நாம் அனுமதிக்கலாமா.

படத்தில் ஒரு காட்சியில் தலிபான் தலைவர் சொல்கிறார். அமெரிக்கர்கள் நல்லவர்கள்,பெண்களையும் குழந்தைகளையும் கொல்ல மாட்டார்கள்.எப்பேர்பட்ட மோசடி.ஆப்கானிலும்,ஈராக்கிலும் இலட்சக்கணக்கில் அப்பாவி மக்களை கொன்று குவிக்கும் அமெரிக்க கயவாளிகளுக்கு கொஞ்சமும் வெட்கப் படாமல் நற்சான்றிதழ் வழங்கும்  கமலுக்கு இந்த ஆண்டு ஆசுகார் விருது கிடைக்கலாம்.

படம் முழுவதும் தீவிரவாதிகள் இசுலாமிய புனித நூலான குரானை தூக்கிக் கொண்டு அலைகிறார்கள்.மக்களை கொல்லும் கயவர்கள் அந்த புனித நூலிலிருந்துதான் தமக்கான உத்வேகத்தை பெறுவதாக காட்டுவது அந்த மதத்தையே இழிவு படுத்துவது ஆகாதா.

சோவியத் ஒன்றியத்துக்கு எதிராக தலிபான்களை தோற்றுவித்ததும் அவர்களுக்கு ஆயுதமும் பயிற்சியும் கொடுத்து மதத்தின் பெயரால் போரிட செய்ததும் அமெரிக்கா என்ற உண்மையை மறைத்து, பாலசுதீனம் உள்ளிட்டு உலகெங்கும் முசுலிம் மக்கள் மீது அமெரிக்க இசுரேல் கயவாளிகள் நடத்தும் கொலை வெறியாட்டத்துக்கு எதிர் வினையாக தோன்றியதுதான் அல்காயிதா,தலிபான் முதலான தீவிரவாத இயக்கங்கள் என்ற உண்மையை மறைத்து தீவிரவாதத்துக்கு காரணம் அவர்கள் மதம்தான் என்று காட்டுவது எவ்வளவு பெரிய அயோக்கியத்தனம்.இந்த மோசடியை நியாய உள்ளம் கொண்டோர் அனுமதிக்க முடியுமா.

நிச்சயம் அனுமதிக்க முடியாது.ஆகவே முசுலிம் மக்கள் மீது அநிநாயமாக பழி போட்டு  பிற சமூக மக்களிடம் பகைமையை மூட்டுவதன் மூலம் இந்துத்துவ இயக்கங்களுக்கு கலவரம் நடத்தி முசுலிம் மக்களை கொல்வதற்கான சமூக ஆதரவு களத்தை அணியப் படுத்தி தரும் இந்த விசுவரூபம் திரைப்படத்தை நடுவண் மற்றும் அனைத்து மாநில அரசுகளும் முழுமையாக தடை செய்ய வேண்டும் என கோருவதும் அதற்காக போராடுவதும் அவசர அவசியமாக உள்ளது.


கட்டுரையை நிறைவு செய்யும் முன்பாக விசுவரூபம் படத்திற்கு ஆதரவாக வரும் வாதங்களையும் பார்த்து விடலாம்.திரைப்பட துறையினரும் கமல காசனின் ஆதரவாளர்களும் அந்த படம் தடை செய்யப்பட கூடாது என்று கூறி அதற்கான காரணங்களையும் இப்படி பட்டியல் இடுகிறார்கள்.

திரைப்பட சான்றிதழுக்கான தணிக்கை வாரியம் படத்தை பார்த்து விட்டுத்தான் திரையிடலுக்கான அனுமதியை வழங்கியுள்ளது. சமூகத்தை பிளவு படுத்தும் வகையிலோ ஒரு சமூகத்தை இழிவு  படுத்தும் வகையிலோ படம் அமைந்திருந்தால் அனுமதி வழங்கி இருக்காது.

கமல் தனது செல்வம் முழுவதையும் முதலீடு செய்து நூறு கோடி உருவாக்கள் செலவில் படம் எடுத்துள்ளார்.அவர் இழப்பை சந்திக்க விடலாமா.

கலைஞர்களின் கருத்து விடுதலை உரிமையை [Right to freedom of expression] பறிக்க கூடாது.

இந்த அறிவாளிகளின் கருத்துக்களையும் ஒவ்வொன்றாக பரிசீலித்து விடலாம்.அய்யா,கருத்து கனவான்களே,திரைப்பட சான்றிதழுக்கான தணிக்கை வாரியத்தின் யோக்கியதையை நாங்களும் அறிவோம். சட்டத்தின் ஆட்சி நடைபெறுவதாக பீற்றிக் கொள்ளப்படும் இந்த நாட்டில்தான் நீதிமன்றங்கள்,ராணுவம்,காவல்துறை,தேர்தல் ஆணையம் உள்ளிட்டு அரசு நிறுவனங்கள் தாழ்த்தப்பட்ட,பழங்குடி,மத,மொழி சிறுபான்மை,ஏழை எளிய மக்களுக்கு எதிரான நிலை எடுத்து செயல்படுகின்றன என்பதை உலகறியும்.அதற்கு திரைப்பட தணிக்கை வாரியமும் விதி விலக்கல்ல.

மணிரத்னம் என்ற மற்றொரு ஆரிய பாம்பு ''பம்பாய்'' திரைப்படம் எடுத்ததே.பம்பாய் கலவரத்தை விசாரித்த சிறி கிருசுணா ஆணையம் கலவரத்தை திட்டமிட்டு நடத்தி முசுலிம்களை கொன்றொழித்தது சிவசேனாதான் என்று தெளிவாக அறிவித்திருகிறது. ஆனால் ஆயிரத்திற்கும் மேற்பட்ட முசுலிம் மக்கள் கொன்றொழிக்கப்பட்ட பம்பாய் கலவரம் என்ற சிவசேனா குண்டர்களின் இந்து மத வெறியாட்டத்தை மணிரத்னம் எப்படி படமாக்கினார்.கலவரத்தை துவக்கி வைத்து நடத்தியதும் கடைசியில் போதும் என முடித்துக் கொண்டதும் முசுலிம்கள்தான் என்று அந்த படத்தில் கதை அளந்தார்.இந்த மோசடிக்கும் உங்கள் தணிக்கை வாரியம் உடந்தையாக இருந்திருக்கிறது.

பெண்ணின் தொப்புளில் இந்த கூத்தாடி கழிசடைகள் பம்பரம் விடுவதையும் முட்டை பொரிப்பதையும்,ஆபாச அசைவுகளுடன் கூடிய அரை,முக்கால் அம்மணகட்டை நடனங்களையும் அனுமதிக்கும் தணிக்கை வாரியம் சமூக பொறுப்புணர்வுடன் நடந்து கொள்ளும் என சொல்வதற்கு உங்களை போன்ற எத்தர்கள் வேண்டுமானால் அணியமாக இருக்கலாம்.நம்புவதற்குதான் ஆளில்லை.

அடுத்து கருத்து உரிமை.இதற்கு ஒரே வரியில் ஒரு விடையாக புகழ் பெற்ற ஆங்கில சொலவடையை முன் வைக்கிறோம்.

Your freedom ends where my nose begins.

ஆம்.உங்கள் கருத்து உரிமையை பிறருக்கு தீங்கிழைக்கும் வகையில் பயன்படுத்த அனுமதிக்க முடியாது.

அடுத்து கமலுக்கு ஏற்பட கூடிய பொருள் இழப்பு.கள்ளச் சாராயம் காய்ச்சுபவன் நான் முதல் போட்டிருக்கிறேன்.நான் சாராயம் விக்க அனுமதிக்க வேண்டும் என்று கேட்பதற்கும் இந்த வாதத்திற்கும் ஒரு வேறுபாடுமில்லை.