500 / 1000 ஒழிப்பு .முட்டாள்களுக்கு சொந்த புத்தியும் கிடையாது.சொல் புத்தியும் கிடையாது.

நடுவண் அரசின் நிதி அமைச்சகத்தை சேர்ந்த தேசிய பொது நிதி மற்றும் கொள்கை பயிற்சி கழகம் [National Institute of Public Finance and Policy (NIPFP)]-500 / 1000 ரூபாய் தாள்கள் ஒழிப்பு பற்றி தனது ஆய்வு முடிவுகளை வெளியிட்டுள்ளது.

பார்க்க; ;http://www.hindustantimes.com/business-news/study-says-demonetisation-may-spell-doom-for-the-economy-here-s-why/story-yVq29QZZF0HLtTN5b1cquL.html

இந்த நடவடிக்கை இந்திய பொருளாதாரத்திற்கே சாவு மணி அடிக்க கூடும் என எச்சரித்துள்ளது.பெரும்பாலும்  ரொக்க நடவடிக்கைகளையே சார்ந்து இருக்கும் இந்திய பொருளாதாரம் இந்த நடவடிக்கையால் சுருங்கி போய் மிகபபெரிய பாதிப்புகளை ஏற்படுத்துவதோடு சமூக கொந்தளிப்பையும் கொண்டு வரும் என எச்சரித்துள்ளது. 500 / 1000 செல்லாது என்ற அறிவிப்பை உடனடியாக திரும்ப பெறவேண்டும் அல்லது குறைந்த பட்சம் இன்னும் சில மாதங்களுக்கு அவை செல்லும் என அறிவிக்க வேண்டும் என அக்கழகம் கோரிக்கை விடுத்துள்ளது.

மோடி தலைமையிலான முட்டாள்களின் கூட்டமோ சொந்த ஆட்களே மூஞ்சியில் காறித்துப்பி செருப்பால் அடித்தாலும் கொஞ்சம் கூட வெட்கப்படாமல் ,குட்டையில ஊறிக்கிடக்கும் எருமை மாட்டில் மழை பெய்தாற்போல எனக்கென்ன என கிடக்கிறது.

ஆம்.முட்டாள்களுக்கு சொந்த புத்தியும் கிடையாது.சொல் புத்தியும் கிடையாது.

கயவர்களே ,உங்கள் கல்நெஞ்சம் கரைவதற்கு இன்னும் எத்தனை பேர் சாக வேண்டும்

 வங்கிகளில் பணம் மாற்ற வரிசையில் காத்திருக்கும் கொடுமையால் இதுவரை எழுபது பேர் இறந்து போயிருக்கிறார்கள். ஜெயமோகனின் தடித்தனமான திமிர்வாதம்  இந்தக்காலகட்டத்தில் இந்தியாவில் தெருவில் எவர் இறந்தாலும் அது மோடி செய்த கொலை என்று சொல்வார்கள் என வக்கணை பேசுகிறது.அப்படியான மோடியின் அடிப்பொடிகளின் முகத்தில் அறைகிறது இந்த செய்தி.நமக்கோ நெஞ்சில் வேதனை தரும் வேலை பாய்ச்சுகிறது.

http://www.thehindu.com/news/national/other-states/Four-year-old-dies-while-waiting-for-father-to-withdraw-money-from-bank/article16675647.ece?homepage=true

மோடியின் முட்டாள்தனத்திற்க்கு நம்மில் இன்னும் எத்தனை பேர் மடிய வேண்டும்.  

ஆள அருகதையற்ற மோடி அரசே,

500 /1000 ருபாய் தாள்கள் செல்லாது என்ற அறிவிப்பை உடனே திரும்ப பெறு . உயிரிழந்தோரின் குடும்பத்திற்க்கு உரிய இழப்பீடு வழங்கு.

500 / 1000 ரூபாய் தாள் ஒழிப்பில் மோடிக்கு சொம்படிக்கும் ஜெயமோகன்

 500 / 1000 ரூபாய் தாள் ஒழிப்பில் மோடிக்கு சொம்படிக்க கிளம்பிட்டாரு ஜெயமோகன்.

அவரது மொத்த குப்பையையும் கிளற வேண்டியதில்லை.அது பாத்தாலே குப்பைன்னு தெரியுது.நாத்தம் பொறுக்க முடியாது என்பதால் ஒன்றை மட்டும் பார்க்கலாம்.

கருப்பு பணம் எல்லாம் ரூபாய் தாள்களாகத்தான் இருக்குதாம்.உள்ளொளியில் அதனை கண்டடைந்த பரவசத்தில் ஆனந்த கூத்தாடுகிறார். அதற்க்கு அவர் சொல்லும் காரணம் இபபோதெல்லாம் வட்டி,நிலம்,தங்கம் ஆகியவற்றில் கறுப்பு பணத்தை போட முடியாதாம்.வட்டியும்,நிலமும் பெரிய அரசியல்,வன்முறை கும்பல் வலு இல்லாமல் செய்ய முடியாதாம்.

அய்யா அறிவாளியே,,ஒரு நூறு ஏக்கர் நிலத்தை வாங்கி அடுக்குமாடி குடியிருப்புகளை கட்டி விற்பதற்க்கு வேண்டுமானால் அரசியல் வலு ,அடியாள் வலு தேவைப்படலாம்.ஆனால் அந்த அந்த அடுக்குமாடிகளில் ஓரிரண்டு குடியிருப்புகளை சில கோடி ரூபாய்களுக்கு வாங்குவதற்க்கு என்ன அரசியல் ,அடியாள் வலு தேவைப்படப் போகிறது.

அடுத்து திரைப்பட துறை,வீட்டு மனை தொழில் போன்றவற்றில் நூறு கோடி இருநூறு கோடி என வட்டிக்கு கடன் கொடுத்து வசூலிக்க அரசியல் ,அடியாள் வலு தேவைப்படலாம்.சில கோடிகளை வங்கிகளிலும் கடன்பத்திரங்களிலும் முதலீடு செய்ய என்ன அரசியல் ,அடியாள் வலு தேவைப்படப் போகிறது.இந்த கோடிகளெல்லாம் கருப்பாக இருக்க முடியாதா என்ன.

அடுத்து தங்கத்தில் கருப்பு பணத்தை பதுக்க மாட்டார்களாம்.கடினமாம்.இன்றைக்கு கூட நகை கடைகளில் ரசீது வேண்டாம்.VAT இல்லாமல் தங்க நகை வேண்டும் என்றால் கிடைக்கும்.இந்த பூனையோ கண்ணை மூடிக்கொண்டு உலகமே இருண்டு விட்டதாக கதைக்கிறது.

மோடிக்கு சொம்படிக்க அதாவது ஒரு தீமைக்கு வக்காலத்து வாங்க கிளம்பினால் இப்படித்தான்  உளறிக்கொட்டி உலகத்தோர் பார்வையில் முட்டாளாக நிற்க்க வேண்டியிருக்கும்.

அல்லற்பட்டு ஆற்றாது அழுத கண்ணீர் மோடியின் அரசை அழிக்கும் படை.

அல்லற்பட்டு ஆற்றாது அழுதகண் ணீரன்றே
செல்வத்தைத் தேய்க்கும் படை .என்ற வள்ளுவரின் குறள்தான் நினைவுக்கு வருகிறது.

கருப்பு பணத்தையும் கள்ளப்பணத்தையும் ஒழிக்கிறார்களாம் .500-ரூபாய் 1000-ரூபாய் தாள்கள் இனி செல்லாது என அறிவித்திருக்கிறார் மோடி.கருப்புப்பணத்தை இந்த நடவடிக்கை ஒழிக்கும் என்பது அப்பட்டமான மோசடியான வாதம்.கணக்கில் காட்டாத கருப்புப்பணத்தை யாரும் கட்டு கட்டாக ரூபாய் தாள்களாக வைத்திருப்பதில்லை.அவற்றை நிலம்,பினாமி பெயரில் சொத்துக்கள்,வருமானம் ஈட்டும் முதலீடுகள் என்றுதான் பதுக்கி வைத்திருப்பார்கள்.

கள்ள தாள்களை ஒழிப்பதுதான் நோக்கம் என்றால் அது கேலிக்கூத்தானது.அடுத்து வரவிருக்கும் 2000-ரூபாய் தாள்களை அவர்கள் அச்சிட மாட்டார்களா என்ன.இல்லை,நூறு ரூபாய தாள்களைத்தான் அச்சிட மாட்டார்களா .

ஆக ,இந்த நடவடிக்கையால் பாதிக்கப்படுவது அப்பாவி பொது மக்கள்தான்.கள்ளத்தாள்கள் புழக்கத்தில் இருப்பதாக அரசே ஒப்புக்கொள்கிறது.இந்தியா போன்ற கல்வியறிவில் பின்தங்கிய மக்கள் வாழும் நாட்டில் எல்லோரும் தாள்களை பரிசீலித்து வாங்குவது சாத்தியமில்லை.இப்போது வங்கியில் மாற்ற செல்லும்போது கள்ளத்தாள்கள் கழித்துக்கட்டப்படும்.அந்த இழப்பு முழுவதும் மக்கள் தலையில் கட்டப்படும்.கள்ள தாள்களை புழக்கத்தில் விடுவதை தடுக்கவும்,எவன் கள்ள தாள்களை அச்சிட்டானோ அவனை பிடித்து தண்டிக்கவும் வக்கற்ற மோடி கும்பல் மக்களை பலியாடு ஆக்குகிறது.

கோமாளித்தனமான,துக்ளத்தனமான,இந்த நடவடிக்கையால் அடுத்த இரண்டு நாட்கள் மட்டுமல்ல,இன்னும் சில வார காலத்திற்க்கு திருமண,மருத்துவ,விவசாய ,குடும்ப,மற்றும் வணிக கொள்முதல் செலவுகளை செய்ய முடியாமல் மக்கள் பெரும் அவதிக்கு உள்ளாக நேரிடும்.நாட்டின் பொருளாதாரமே இயங்காமல் கிட்டத்தட்ட நின்று போகும்.அலடசியமும் ,திமிரும் மிகுந்த இந்த நடவடிக்கை மோடி அரசின் மக்களை பற்றி அக்கறையில்லாத போக்கையே காட்டுகிறது.இன்று காலை முதலே மக்கள் சிறு சிறு குழுக்களாக கவலை தோய்ந்த முகங்களுடன் இது குறித்தே பேசிக்கொண்டு நிற்கிறார்கள்.

மோதியே ,எச்சரிக்கை.

அல்லற்பட்டு ஆற்றாது அழுதகண் ணீரன்றே
செல்வத்தைத் தேய்க்கும் படை

ஹஜ் மானியம் என்பதே மோசடி.

ஆண்டுதோறும் மக்காவுக்கு புனித பயணம் மேற்கொள்ளும் முசுலிம்களுக்கு இந்திய அரசு ''மானியம்''வழங்குவதாக இந்திய மக்களின் மனதில் ஒரு கருத்து திணிக்கப்பட்டுள்ளது.உண்மையில் நடுவண் அரசு ஒரு பைசா கூட ஹஜ் புனித பயணிகளுக்கு மானியம் வழங்கவில்லை.அப்படி சொல்வது அப்பட்டமான பொய் .பித்தலாட்டம்.ஊரை ஏய்க்கும் நாடகம்.நடுவணில் சங் பரிவாரங்கள் ஆண்டாலும் காங்கிரசுஆண்டாலும் இந்த கபட நாடகத்தை தொடர்ந்து நடத்தி வருகிறார்கள்.புனித பயணிகளின் வானூர்தி கட்டணம் தவிர்த்து எந்த செலவையும் அரசு ஏற்று ''மானியம்''வழங்குவதில்லை.வானூர்தி கட்டணத்தை சந்தை விலையை விட கூடுதலாக நிர்ணயித்து விட்டு அந்த கூடுதல் தொகையில் ஒரு பகுதியை புனித பயணிகளிடம் வாங்கி கொண்டு விட்டு மீதியை மானியம் என்ற பெயரில் வானூர்தி நிறுவனத்துக்கு வழங்குகிறார்கள்.

இதை புரிந்து கொள்ள சில ஆதாரங்களை உங்கள் பார்வைக்கு வைக்கிறேன்
.

இணைப்பில் உள்ள சுட்டியில் 2012-ஆம் ஆண்டு ஹஜ் பயணிகளிடம் வசூலிக்கப்பட்ட கட்டணத்திற்க்கான செலவு விவரங்கள் [Break-up]உள்ளன.காட்டாக,சென்னை வானூர்தி நிலையத்திலிருந்து புறப்பட்டு சவுதி அரேபியா சென்று திரும்புவது வரை ,அங்கு தங்குவது,அங்கு போக்குவரத்துக்கு ஆகும் செலவு,உணவுக்காக தரப்படும் ரொக்கம்,என அனைத்துக்கும் ஹாஜிகள் உரிய கட்டணம் செலுத்துகிறார்கள் என்பதை காணலாம்.

http://www.hajcommittee.gov.in/…/Cir…/2012/circular_no27.pdf

இறுதியாக உள்ள வானூர்தி கட்டணம் 20,000-ரூபாய் என்பதில்தான் மானியம் எனும் மோசடி அரங்கேற்றப்படுகிறது.அதை இந்த ஆண்டு ஹஜ் கட்டணத்தை வைத்து நாம் புரிந்து கொள்ளலாம்.அதற்கான சுட்டிகளை ஒரு பார்வை பார்த்து விடுங்கள்.

http://www.hajcommittee.gov.in/…/…/2016/circular_2016_14.pdf

2016-ஆம் ஆண்டு ஹஜ் பயணிகளிடம் ரூபாய் 45.000-வானூர்தி கட்டணமாக வசூலிக்கப்படுகிறது.ஹாஜிகள் ஏர் இந்தியா மூலமாக மட்டுமே பயணிக்க வேண்டும் என அரசு ஏகபோகத்தை நிறுவியுள்ளது,ஏர் இந்தியா சென்னையிலிருந்து சவுதி அரேபியாவில் உள்ள ஜித்தா நகருக்கு போக வர ரூபாய் 60,253-என கட்டணம் நிர்ணயித்துள்ளது.ஹாஜிகளிடம் வசூலித்த ரூபாய் 45.000-போக மீதி 15,250-ரூபாயை நடுவண் அரசு ஏர் இந்தியாவுக்கு செலுத்துகிறது.இங்குதான் மோசடி அரங்கேறுகிறது.

இப்போதும் சென்னையிலிருந்து ஜித்தா நகருக்கு போக வர கட்டணம் ஏர் இந்தியாவில் .37,428 தான் ஜெட் ஏர் வேஸில் 40.000தான் சவுதி அரேபியனில் 35.800தான்.

பார்க்க;http://www.farecompare.com/…/Chennai…/Jeddah-JED/market.html#

வணிக வானூர்திகளில் தனித்தனி பயணச்சீட்டு விற்பனைக்கான கட்டணம் இது. மொத்த விற்பனை [Institutional sales ]யில் இன்னும் விலை குறையும்.அதிலும் ஹாஜிகள் செல்வது போன்று பட்டய பறப்பு [chartered flight ]என்றால் இன்னும் விலை குறையும்.

அநியாயமாக 60,000-என கட்டணம் நிர்ணயித்து விட்டு சந்தை விலையை விட சுமார் எட்டாயிரம் ரூபாய் கூடுதலாக வசூலித்து விட்டு அதன் பின்னரும் ஹஜ் பயணம் மேற்கொள்ளும் முசுலிம்களுக்கு மானியம் வழங்குவதாக கூசாமல் பொய் சொல்கிறார்கள்.

இது மோசடி அல்லவா.

பி.கு.

2012-ஆம் ஆண்டு நிர்ணயிக்கப்பட்ட வானூர்தி கட்டணம் 45.000-ரூபாய்.ஹாஜிகளிடம் வசூலிக்கப்பட்ட வானூர்தி கட்டணம் 20,000-ரூபாய்.அரசு வழங்கிய மானியம் 25,000 ரூபாய்.அன்றைய வானூர்தி கட்டண சந்தை விலை.18,000-தான்.

மருத்துவ கல்வி தகுதி மற்றும் நுழைவு தேர்வு.அப்பட்டமான சதி.

கடந்த இரண்டு,மூன்று ஆண்டுகளாக இழுபறியில் கிடந்த மருத்துவ கல்வி தகுதி மற்றும் நுழைவு தேர்வு இந்த ஆண்டு உச்ச நீதி மன்றத்தின் தயவால் இந்த ஆண்டு நடைமுறைக்கு வரவுள்ளது.

 இந்தியாவில் பல்வேறு மருத்துவ கல்வி நிறுவனங்கள் நடத்தி வரும் பல நுழைவு தேர்வுகளையும் தனித்தனியாக மாணவர்கள் எழுத வேண்டியிருக்கிறது.அவற்றை ஒருங்கிணைத்து ஒரே தேர்வை எழுதும் நோக்கில் அதாவது மாணவர்களின் சிரமத்தை குறைக்கும் வகையில் இந்த தேசிய தகுதி மற்றும் நுழைவு தேர்வு [National Eligibility Entrance Test] (NEET) கொண்டு வரப்படுவதாக நடுவண் சுகாதார குடும்ப நல துறை தெரிவித்தது.

நல்லது.நடுவண் அரசு நடத்தும் மருத்துவ கல்வி நிறுவனங்களில் உள்ள இடங்களுக்கும் மாநில அரசு நடத்தும் மருத்துவ கல்லூரிகளில் பிற மாநில அனைத்து இந்திய மாணவர்களுக்கான 15 விழுக்காடு இடங்களுக்கும் அப்படி ஒரு தேர்வை நடத்தி மாணவர்களை சேர்த்துக்கொள்ளுங்கள்.நாங்கள் ஒன்றும் சொல்வதற்கில்லை.ஆனால் மாநில அரசு மருத்துவ கல்லூரிகளில் மாணவர்களை சேர்க்கவும் எங்கள் தேர்வைத்தான் அடிப்படையாக கொள்ள வேண்டும் என சொல்வதற்கு நடுவண் அரசுக்கு உரிமை இல்லை.அது மாநில அரசுகளின் உரிமையில் தலையிடும் அடாவடி ஆகும்.

மேலும் இந்திய மருத்துவ அவை [medical council of India ]ஏற்கனவே பனிரெண்டாம் வகுப்பில் அறிவியல் பாடங்களில் 60-விழுக்காடு மதிப்பெண் பெற்று தேர்ச்சி பெறுவதையே  மருத்துவ கல்வி பயில்வதற்கான தகுதியாக முடிவு செய்துள்ளது.அப்படி இருக்கும்போது இந்த நுழைவுத்தேர்வின் பெயரில் எதற்காக ''தகுதி'' [Eligibility]  என்ற சொல்லை சொருகி இருக்கிறார்கள்.ஆம்,நண்பர்களே இங்குதான் அவர்களின் சதி அம்பலப்பட்டு நிற்கிறது.இப்போதைக்கு எதிர்ப்புகளை சரிக்கட்டி இந்த தேர்வை மாணவர்கள் மீது திணித்து விட்டால் பின்னாளில் நுழைவு தேர்விலும் குறிப்பிட்ட அளவு மதிப்பெண் எடுத்தால்தான் மருத்துவக்கல்வி பயில தகுதி பெற முடியும் என அறிவிக்கப்படலாம்.இது சிற்றூர்ப்புற,தாழ்த்தப்பட்ட,பிற்படுத்தப்பட்ட வகுப்பு மாணவர்களுக்கு  மருத்துக்கல்வியை எட்டாக்கனி ஆக்கிவிடும்.ஆகவே இந்த நச்சுக்களையை முளையிலேயே கிள்ளி எறிய வேண்டும்.

அனைத்திந்திய அளவில் மருத்துவ கல்லூரி சேர்க்கைக்காக நுழைவுத்தேர்வு நடத்தப்பட்டு அதன் அடிப்படையில் மாணவர் சேர்க்கை நடைபெறும் என்பதே  இயற்கை நீதிக்கும் சமூக நீதிக்கும் எதிரானது.இது பற்றி சற்றே விரிவாக காணலாம்.

இந்தியாவில் தாழ்த்தப்பட்ட,பிற்படுத்தப்பட்ட வகுப்பினருக்கு கல்வியிலும்,வேலைவாய்ப்பிலும் இட ஒதுக்கீடு அளிக்கப்படுவது மேல்வகுப்பினருக்கு மிகுந்த ஆத்திரமூட்டுவதாக உள்ளது. அரசியல் அரங்கில் அவர்களது நலனை நோக்கமாக கொண்டு இயங்கும் கட்சிகள் வெளிப்படையாக இடஒதுக்கீடு எதிர்ப்பை வெளிப்படுத்தாவிட்டாலும் அவர்கள் தனிப்பட்ட உரையாடல்களிலும் இணையதள வலைபதிவுகளிலும் இடஒதுக்கீடுக்கு எதிராக ஆத்திரம் பொங்க வெறுப்பை கக்குவதை நீங்கள் காணலாம்.இட ஒதுக்கீடுக்கு எதிரான குழிபறிப்பு வேலைகளை துவக்க காலம் தொட்டே ஆதிக்கசாதியினர் செய்து வருகின்றனர்.ஒரு பானை சோற்றுக்கு ஒரு சோறு பதமாக, இதற்கு ஒரு எடுத்துக்காட்டாக ,உச்ச நீதிமன்றத்தின் அடாவடி தீர்ப்பு ஒன்றை சுட்டிக்காட்ட முடியும். அரசியல் சட்டம் இடஒதுக்கீடுக்கு உச்ச வரம்பு எதையும் விதிக்காத நிலையிலும் ஐம்பது விழுக்காடுக்கு மேல் இடஒதுக்கீடு வழங்க கூடாது என தீர்ப்பு வழங்குகிறது உச்சநீதி மன்றம். அதன்மூலம் தமிழகத்தில் வழங்கப்படும் 69 விழுக்காடு இடஒதுக்கீட்டின் தலையில் கல்லை தூக்கிப்போட எத்தணிக்கிறது.நடுநிலைமை பேணவேண்டிய நீதிமன்றங்களே இப்படி செயல்படும்போது அரசின் பிற உறுப்புகளை இயக்கும் இடத்தில் அமர்ந்திருக்கும் ஆதிக்க சாதியினரின் செயல்பாடுகளை பற்றி விரிவாக சொல்லவேண்டியதில்லை.

அத்தகைய குள்ளநரி தந்திரங்களில் ஒன்றுதான் நுழைவு தேர்வு..இது சிற்றூர்ப்புற மற்றும் தாழ்த்தப்பட்ட, பிற்படுத்தப்பட்ட வகுப்பை சேர்ந்த ஏழை மாணவர்களின் வாய்ப்பை தட்டிப் பறிப்பதற்கான சூழ்ச்சி என நாம் குற்றம் சாற்றுகிறோம்.

திறமை மிகுந்த தகுதியானவர்களை கண்டறிந்து சேர்ப்பதற்காகவே நுழைவு தேர்வு நடத்தப்படுகிறது என இந்த சூழ்ச்சி நியாயப்படுத்தப்படுகிறது.ஆனால் உண்மை நிலை என்ன.பல இலட்சங்கள் உருவாக்களை கட்டணமாக வசூலிக்கும் விண்மீன் தரத்திலான  நகர்ப்புற தனியார் பள்ளி மாணவர்களுக்கு இணையாக மதிப்பெண்கள் பெற்று தகுதி தேர்வில் அதாவது மேல்நிலை பள்ளி பொது தேர்வில் வெற்றி பெற்று மருத்துவ கல்லூரியில் சேரவரும் மாணவர்களை நுழைவு தேர்வு எழுதி மீண்டும் ஒரு முறை தகுதி பெற்று வா என்கிறார்கள்.வெந்த சோற்றை மீண்டும் ஒரு முறை ஏன் வேக வைக்க வேண்டும்.இங்குதான் சூழ்ச்சி துவங்குகிறது.பல இலட்சம் உருவாக்கள் செலவில் இத்தகைய நுழைவு  தேர்வுகளுக்கு தனிப்பயிற்சி அளிக்கும் நிறுவனங்கள் சென்னை போன்ற பெரு நகரங்களில் இயங்குகின்றன.இந்த நிறுவனங்களில் பயிலும் பணம் படைத்தோரின் பிள்ளைகளுடன் போட்டியிட்டு சிற்றூர்ப்புற மற்றும் நகர்புற ஏழை பெற்றோரின் பிள்ளைகள் நுழைவு தேர்வில் வெற்றி பெற வேண்டுமாம்.இது மோசடி இல்லையா.ஏழை மாணவர்களின் இடங்களை பறித்து அவற்றை பணக்காரர்களிடம் ஒப்படைக்கும் அயோக்கியத்தனமில்லையா   இது.அவர்கள்தான் ஏற்கனவே தகுதி தேர்வில் இந்த பணக்கார வீட்டு பிள்ளைகளை வென்றிருக்கிறார்களே அது ஒன்றே போதுமே யார் தகுதியும் திறமையும் படைத்தவர்கள் என காட்டுவதற்கு.நுழைவு தேர்வு என்ற ஈர வெங்காயத்தை மீண்டும் உரிக்க வேண்டிய அவசியம் இல்லையே.

இட ஒதுக்கீடு கூடாது என கூச்சல் போட்டுக்கொண்டே காசுக்காரனுக்கு இடங்களை ஒதுக்கீடு செய்துகொள்ளும் இந்த அயோக்கியத்தனத்தை தாழ்த்தப்பட்ட,பிற்படுத்தப்பட்ட மக்கள் ஒன்றுபட்டு விழிப்போடு இருந்து முறியடிக்க வேண்டிய தருணமிது.

வாக்களிக்க பணம் வாங்குவது குற்றம்,சரி,அது யார் குற்றம்.

ஏழை எளிய மக்கள் வாக்களிக்க பணம் வாங்குகிறார்களாம்.அது நேர்மையற்ற செயலாம்.கொந்தளிக்கிறார்கள் யோக்கியவான்கள்.பணம் வாங்கும் வாக்களர்களை மட்டுமே குற்றவாளிகளாக சித்தரிக்கும் இவர்கள் எதார்த்தம் புரியாத சமூக தற்குறிகள்.ஆளும் மேட்டுக்குடி கும்பலும் அதன் ஊதுகுழல்களான ஊடகங்களும் மாட்டி விட்ட கடிவாளத்தை மீறி சிந்திக்க தெரியாத கருத்துக்குருடர்கள்.அதனால்தான் பணம் வாங்காதே என்று அப்பாவி வாக்காளர்களிடம் வீரம் காட்டும் ஊடகங்கள் உள்ளிட்ட இந்த யோக்கியர்கள்  பணம் கொடுக்காதே என்று கட்சிக்காரர்களை களத்தில் இறங்கி தடுப்பதில்லை.



பறக்கும் படையின் அதிரடியாம்.அறுக்க மாட்டாதவன் இடுப்புல அம்பத்தெட்டு பண்ணருவாளாம்.அரசியல் கட்சிகள் பணம் கொடுப்பதை தடுக்க துப்பில்லாத அதிகார வர்க்கத்தின் பம்மாத்து.



முதலில் ஒன்றை நினைவில் வைப்போம்.வாக்காளர்கள் யாரும் அரசியல் கட்சிகளை தேடி சென்று ''உங்களுக்கு வாக்களிக்கிறோம்.அதற்கு எனக்கு இவ்வளவு பணம் கொடுங்கள்'' என்று கேட்கவில்லை.கட்சிக்காரர்களே மக்களை தேடிப்போய் பணம் கொடுத்தார்கள்.குறிப்பிட்ட வாக்காளர் பணம் கொடுப்பதை ஏற்கிறாரா இல்லையா என்று கூட பார்க்காமல் அவர் வீட்டு  பால் உறையின் கீழ் வைப்பது,நடு இரவில் கதவிடுக்கு வழியாக பண உறையை திணித்து விட்டு போவது என பல நூறு வழிகளில் பணம் கொடுத்தார்கள்.

ஏழைகளுக்கு மட்டுமல்ல சென்னையின் பணக்கார அடுக்கு மாடி குடியிருப்புகளில் கூட கொடுத்தார்கள்.[என்ன இருந்தாலும்  படித்த நாகரீக மாந்தர்கள் அல்லவா.பணத்தை கையால் வாங்குவார்களா.அதனால் அவர்களின் கைப்பேசி எண்ணுக்கு மீள்கட்டணம் [ Recharge ] கட்டினார்கள்.இதனை நீயா நானா நிகழ்ச்சியில் கைப்பேசி எண்ணை கொடுத்த ஒருவரே போட்டு உடைத்தார்].இப்படியாக நிலை கொண்டு விட்ட ஒரு செயலுக்கு ஏழை மக்களை மட்டுமே பொறுப்பாக்குவது நேர்மையற்ற செயல்.

இந்த தீமையை  யார் துவக்கி வைத்தார்கள் என்ற கேள்வியும் அதன் மீதான விவாதங்களும் பொருளற்றவை.ஒரு கட்சி ''திருமங்கலம் சூத்திரம்'' என்று குற்றம் சாட்டினால் அவர்கள் அதற்கு முந்தைய கும்மிடிப்பூண்டியையும்  காஞ்சிபுரத்தையும் சுட்டிக்காட்டி அவையெல்லாம் என்ன சூத்திரம் என்பார்கள்.இந்தியாவின் தேர்தல் முறையே பெரும் பணக்காரர்கள் மட்டுமே போட்டியிட்டு பணத்தை ஆறாக ஓடவிட்டு வெல்ல முடியும் என்ற நிலையில்தான் உள்ளது.அதனால் வாக்குக்கு பணம்  கொடுப்பது போன்ற செயல்கள் நடக்கவில்லை என்றால்தான் ஆச்சரியம்.

நிற்க.பேசு பொருளுக்கு வருவோம்.

சாதாரணமாக ஏழை எளிய மக்கள் அந்தந்த பகுதி கட்சிக்காரர்களை ஏதேனும் ஒரு வகையில் சார்ந்திருக்கிறார்கள்.

 ஆதரவற்றோர்,கைம்பெண், முதியோர்,உதவித்தொகை வாங்கித்தர,சாதி சான்றிதழ் பெற,கருவுற்ற மகளிர் உதவித்தொகை பெற,சில்லறை தகராறில் காவல் நிலையத்துக்கு அழைத்து செல்லப்பட்ட மகனை மீட்டு வர,கட்டிக்குடுத்த மகளை குடித்து  விட்டு வந்து அடிக்கும் மாப்பிள்ளையை மிரட்டி வைக்க,தேவைப்பட்டால் மகளிர் காவல் நிலையத்தில் முறையீடு செய்ய,என்று ஏதேனும் ஒரு வகையில் கட்சிக்காரர்களின் அனுசரணை அவர்களுக்கு தேவைப்படுகிறது.

இப்போது ஒரு கட்சிக்காரர் தரும் பணத்தை அந்த அப்பாவி வாக்காளர் ''நேர்மைடா ,நீதிடா '' என்று நாட்டாமை வசனம் பேசி வாங்க மறுத்தால் அந்த கட்சிக்கு இவர் வாக்களிக்க போவதில்லை என்ற தோற்றம் ஏற்பட்டு அந்த கட்சிக்காரர்களின் பகையை எதிர்கொள்ள நேரிடும்.ஆகவே கொடுக்கும் பணத்தை வாங்கிக் கொள்வதை தவிர அவர்களுக்கு வேறு வழியில்லை.அதே போல மாற்றுக்கட்சியினர் கொண்டு வந்து தரும் பணத்தையும் வாங்குவதற்கு அவர்கள் மறுக்க முடியாது.ஒரு வேளை அவர்கள் ஆட்சிக்கு வந்து விட்டால் என்ன செய்வது.ஆகவே அவர்களையும் பகைக்க முடியாது.

ஆக ,இப்படி ஒரு இக்கட்டான சூழலில் வாக்களிக்க பணம் வாங்கும் எளிய மக்களை மட்டும் குற்றவாளிகளாக சித்தரிப்பது அயோக்கியத்தனம்..மக்கள் நல்லவர்களாகத்தான் இருக்கிறார்கள்.அவர்களை யாரும் கெடுக்காமல் இருந்தால் போதும்.

விசயகாந்தின் கூட்டணி முடிவுக்கு காத்திருக்கும் தமிழக அரசியல். வெட்க கேடு.

தமிழக தேர்தல் களம் சூடு பிடிக்கிறது.முதல்வர் கனவில் பலரும் உலா வருகிறார்கள்.இதே போன்ற நிலைமை 2011-சட்டமன்ற தேர்தலுக்கு முன் நிலவியபோது எழுதிய கட்டுரையின் மீள் பதிவு இது.இன்றும் அட்சரம் பிசகாமல் அப்படியே பொருந்துகிறது.என்ன செயலலிதாவின் இடத்தில் கருணாநிதி என போட்டுக்கொள்ள வேண்டும்.அவ்வளவுதான்.


விசயகாந்துடன் கூட்டணி.செயாவின் வரலாற்றுத்தவறு.

தே.மு.தி.கவுடன் அ.தி.மு.க.கூட்டணி அமைத்து தேர்தலை சந்திக்கவிருப்பதாக செய்திகள் வந்து கொண்டிருக்கின்றன.இரு கட்சியினரும் நடத்திவரும் பேச்சில் உடன்பாடு எதுவும் எட்டப்படாததால் கூட்டணி முடிவு இன்னும் வெளிப்படையாக அறிவிக்கப்படவில்லை.

பெரும் எண்ணிக்கையிலான தொகுதிகளையும்,அமைச்சரவையில் பங்கும்,துணை முதல்வர் பதவியும் விசயகாந்த் கேட்பதாக செய்திகள் கசிந்துள்ளன.இவற்றை செயா ஏற்றுகொள்வார் என்று நிச்சயமாக சொல்லமுடியாது.பேரத்தில் விசயகாந்த் இறங்கி வருவாரா என்பதும் உறுதியாக சொல்லமுடியாத ஒன்றாக உள்ளது.ஆகவே,கூட்டணி கிட்டத்தட்ட இழுபறி நிலையில்தான் உள்ளது.மதில் மேல் அமர்ந்துள்ள பூனை எந்தப்பக்கம் வேண்டுமானாலும் குதிக்கலாம்.

சரி,இருக்கட்டும்.அது நமது கவலையல்ல.நாம் பேச விரும்புவது செயா விசயகாந்த்துடன் கூட்டணி அமைத்தால் அது எத்தகைய வரலாற்று தவறாக அமையும் என்பது குறித்தே.

கடந்த 2006 சட்டமன்ற தேர்தலுக்கு ஆறு மாதங்களுக்கு முன்பு அரசியலில் ''குதித்து'' தனிக்கட்சி தொடங்கினார் விசயகாந்த்.அந்த தேர்தலிலேயே ஆட்சியை கைப்பற்றும் கனவோடு 234 தொகுதிகளிலும் தனது கட்சி சார்பில் வேட்பாளர்களை நிறுத்தினார். 

சொந்தமாக யோசித்து சேர்ந்தாற்போல் நான்கு சொற்கள் பேச தெரியாத இவரை,

சொந்தமாக ஒரு அறிக்கை கூட எழுதியிராத இவரை,

விலைவாசி உயர்வு,வேலையில்லா திண்டாட்டம்,மாணவர் பிரச்னைகள்,இடஒதுக்கீடு, வகுப்புவாத இயக்கங்களின் மதவெறி செயல்பாடு என்று எந்த ஒரு மக்கள் பிரச்னைக்காகவும் வாயை திறந்து எதுவும் பேசியிராத இவரை,[வாயை திறந்தாலும் ஏதாவது சொல்லத்தெரியுமா என்பது ஒரு புறம் இருக்கட்டும்]

முதல்வராக மக்கள் தேர்ந்தெடுப்பார்கள் என்று விழிகளை திறந்து வைத்துக் கொண்டே கனவு கண்டார்.என்ன ஒரு கொடுமை இது.தமிழக மக்களை பற்றி இவர் என்னதான் நினைத்துக் கொண்டிருக்கிறார்.ஆனால் மக்கள் இவருக்கு சரியான பாடம் கற்று கொடுத்தார்கள்.233 தொகுதிகளில் இவரது கட்சியை தோற்கடித்தார்கள்.100 க்கும் மேற்பட்ட தொகுதிகளில் வைப்பு தொகை கூட பறிபோனது.ஒரே ஒரு தொகுதியில் மட்டும் வெற்றி கிடைத்தது.அடுத்த முதல்வர் என்று இவரது அல்லக்கைகள் போட்ட கூச்சல் ஏற்படுத்திய மாயையில் மயங்கி போய் விருத்தாசலம் தொகுதி மக்கள் மட்டும் விசயகாந்தை சட்டமன்ற உறுப்பினராக தேர்ந்தெடுத்தனர்.

ஆக மொத்தத்தில் தட்டி தடுமாறி ஒருவழியாக பதிவானவற்றில் ஒரு 8 விழுக்காடு வாக்குகளை பெற்று அந்த தேர்தலில் கரை ஒதுங்கினார் விசயகாந்த்.இந்த வாக்குகளை காட்டித்தான் அது ஏதோ அவரது பரம்பரை சொத்து போல் பாவித்துக்கொண்டு கூட்டணி பேரத்தில் ஈடுபட்டுள்ளார்.

இந்த எட்டு விழுக்காடு வாக்குகள் அவருடைய சொந்த செல்வாக்கில் கிடைத்ததா. அவருக்கு என ஒரு வாக்கு வங்கி உள்ளதா என பார்க்க வேண்டியிருக்கிறது.அப்போதுதான் செயா விசயகாந்த்துடன் கூட்டணி அமைக்கும் முடிவு சரியா தவறா என்று புரிந்து கொள்ள முடியும்.


பொதுவாகவே தேர்தல்களில் வாக்களிக்கும் மக்கள் அனைவரும் ஒன்றை தெளிவாக புரிந்து வைத்திருக்கிறார்கள்.எந்த கட்சி ஆட்சிக்கு வந்தாலும் எதுவும் மாறப்போவதில்லை.விலைவாசி தொடர்ந்து ஏறிக்கொண்டேதான் இருக்கும்.அது குறித்து ஆட்சியாளர்களுக்கு எந்த கவலையும் இருக்காது.மக்களின் நலனை விட பெரு முதலாளிகளின் நலன்களை மனதில் கொண்டே அவர்கள் செயல்படுவார்கள். இப்படித்தான் பெரும்பாலான மக்கள் கருதுகிறார்கள்.


இந்நிலையில் இருக்கும் மக்களில் சிலர் அ.தி.மு.க. மற்றும் தி.மு.க. என்று இரண்டு கட்சிகளின் ஆட்சியையும் பார்த்து விட்டோம்.புதிதாக ஒருவர் வந்து நல்லாட்சி தருவேன் என்கிறாரே அவருக்கு வாக்களிப்போமே என்று மேம்போக்காக எண்ணி விசயகாந்துக்கு வாக்களித்தார்கள்.திரைப்பட கவர்ச்சியை பெரிதாக எடுத்துக் கொள்ள வேண்டியதில்லை. அதில் மயங்கி வாக்களிப்பவர்கள் மிக சொற்பமே.இப்படித்தான் எட்டு விழுக்காடுகள் வாக்குகளை பெற்றார் விசயகாந்த்.


விசயகாந்துக்கு வாக்களித்தவர்கள் பலரிடம் பேசிப்பார்த்தால் ஒன்றை புரிந்து கொள்ளலாம். இந்த கட்சி தோற்றுப்போகும் என்று தெரிந்தே அவர்கள் வாக்களித்திருக்கிறார்கள்.கருணா செயா இருவருக்குமே வாக்களிக்க விரும்பாதவர்கள் விசயகாந்துக்கு வாக்களித்தார்கள்.இதுதான் உண்மை.


இப்போது விசயகாந்த் ஏதாவது ஒரு கூட்டணியில் இடம் பிடிப்பாரேயானால் கருணா, செயா,விசயகாந்த் மூவரில் யாரை முதல்வராக்க வாக்களிப்பது என்ற கேள்வி மறைந்து கருணாவா,செயாவா என்ற கேள்வியே வாக்காளர்கள் முன் இருக்கும்.[வேட்பாளர்களை பார்த்து வாக்களிப்பது என்பதெல்லாம் நம் நாட்டில் இல்லாத ஒன்று.இங்கு எப்போதுமே தலைவர்களுக்காகத்தான் வாக்கு.]அந்த நிலையில் இந்த எட்டு விழுக்காடு வாக்குகளும் சட்டிக்குள் கரைந்த கருவாடாக காணாமல் போகும். கருணா செயா இருவருக்குமே வாக்களிக்க விரும்பாதவர்கள் வாக்குசாவடிக்கு வராமலே இருந்துவிடக்கூடும்.ஒரு பகுதியினர் யாராவது ஒருவரை தேர்ந்தெடுக்கலாம்.அதற்கு விசயகாந்தின் கட்டளைக்கு காத்திருப்பார்கள் என்று சொல்ல முடியாது.


ஆகவே,விசயகாந்துக்கு என தனித்த ஒரு வாக்கு வங்கி கிடையாது.அன்றைய அரசியல் சூழலில் அனாமதேயமாக கிடைத்ததே அவருடைய 8 விழுக்காடு வாக்குகள்.ஒருவேளை இந்த தேர்தலிலும் அவர் தனித்து போட்டியிடுவாரேயானால் அந்த அளவுக்காவது வாக்குகள் பெறமுடியுமா எனபது ஐயமே.ஏனென்றால் அவரது வலு என்னவென்று போன தேர்தலே தோலுரித்து காட்டிவிட்டது.அவர் முதல்வராக வரக்கூடும் என்று ஒரு சிலரிடம் இருந்த மாயை விலகிவிட்டது.எனவே தனிப்பட்ட முறையில் அவரது வெற்றியே கேள்விக்குறியாகத்தான் இருக்கும்.ஆகவே அவரது வெற்றியும் நிச்சயமில்லை.அந்த எட்டு விழுக்காடும் நிச்சயமில்லை.


இந்த நிலையில்தான் அவர் கூட்டணிக்காக செயாவிடம் வந்து சேர்ந்திருக்கிறார். செயாவின் கவலையெல்லாம் விசயகாந்த் தனித்து போட்டியிட்டால் ஆட்சிக்கு எதிரான வாக்குகளை பிரித்து தி.மு.க.வின் வெற்றிக்கு வழி வகுத்து விடுவாரோ என்பதுதான்.இது தவறான கணிப்பு.எதிரியை குறைத்து மதிப்பிடுவது எப்படி தவறோ அதே போன்றதுதான் கூடுதலாக மதிப்பிடுவதும்.அதற்கு நாம் 1996 தேர்தலை சற்றே நினைவுபடுத்தி பார்க்க வேண்டியிருக்கிறது.


அந்த தேர்தலில் நான்கு அணிகள் போட்டியிட்டன.


1.அன்றைய மைய,மாநில ஆளுங்கட்சிகளான் அ.தி.மு.க-காங்கிரசு ஓரணி.


2.தி.மு.க-தா.ம.கா. ஓரணி.


3.பா.ம.க-திவாரி காங்கிரசு ஓரணி.


4.ம.தி.மு.க.மற்றும் ஓரிரு சிறு கட்சிகள் ஓரணி.


அப்போது ஆளும் கட்சியான அ.தி.மு.கவை ஆட்சியை விட்டு இறக்குவது என மக்கள் முடிவு செய்து விட்டிருந்தார்கள்.அதற்கு அவர்கள் முன் மூன்று தெரிவுகள் இருந்தன. பா.ம.க.வன்னிய சமுதாயத்தினர் ஒன்று திரண்டு தம்மை ஆதரிப்பது போலவும்,வலுவான ஒரு மாபெரும் அரசியல் கட்சியாகவும் தன்னை காட்டிக்கொண்டிருந்தது.வை.கோ.வின் ம.தி.மு.க.வோ அதுதான் உண்மையான தி.மு.க.என்றும்,தொண்டர்களில் ஆகப்பெரும்பான்மையினர் தன் பின்னால் அணி திரண்டு நிற்பது போல ஒரு தோற்றத்தை உருவாக்க அரும்பாடு பட்டுக்கொண்டிருந்தது.ஆனால்,மக்கள் தெளிவாகஅ.தி.மு.கவை ஆட்சியை விட்டு இறக்க தி.மு.கவை தேர்ந்தெடுத்தார்கள்.ஆட்சிக்கு எதிரான வாக்குகள் சிந்தாமல் சிதறாமல் தி.மு.க அணிக்கே போனது.


ஆகவே,இந்த தேர்தலில் தி.மு.கவை ஆட்சியை விட்டு இறக்குவது என மக்கள் முடிவு செய்வார்களேயானால் ஆட்சிக்கு எதிரான வாக்குகள் சிந்தாமல் சிதறாமல் அ.தி.மு.க அணிக்கே போகுமேயல்லாது விசயகாந்துக்கு போகாது.ஏனென்றால் தே.மு.தி.க வை விட     
அ.தி.மு.க வே வலுவானது என்பதை சிறு குழந்தைகளும் அறிவார்கள்.


இப்படித்தான் 1996 தேர்தலில் படுதோல்வி அடைந்து சோர்ந்து கிடந்த பா.ம.க ம.தி.மு.க.வை 1998 நாடாளுமன்ற தேர்தலில் செயா தனது கூட்டணியில் சேர்த்து அவர்களுக்கு புது வாழ்வு அளித்தார்.அவரது தயவில் ஆளான இவ்விரு கட்சியினருடனும்  கூட்டணிக்காக இப்போது ஒவ்வொரு தேர்தலிலும் செயா கவலைப் பட வேண்டியிருக்கிறது.அதே போன்றதொரு வரலாற்று தவறைத்தான் தே.மு.தி.க வை பொறுத்தவரை இப்போது செயா செய்ய முனைகிறார்.ஆக மொத்தத்தில் கூட்டணி சித்து விளையாட்டுக்கு தே.மு.தி.க என்ற பெயரில் இன்னொரு கை ஆயத்தமாகியுள்ளது.இதுவே 2011 தேர்தலின் சாதனை.


இறுதியாக ஒன்றை சொல்லி நிறைவு செய்கிறோம்.ராசீவ் காந்தி,நரசிம்ம ராவ் என்று இந்திய முதன்மர்களுடனும் மூப்பனார் போன்ற பழுத்த அரசியல்வாதிகளுடனும் கூட்டணி பேரம் பேசி உடன்பாடு கண்ட செயா இப்போது விசயகாந்த் போன்ற மாபெரும் அறிவாளிகளுடன் பேரம் பேச வேண்டியிருக்கிறது.காலத்தின் கோலம் பாரீர்.